Liria dhe zhvillimi i medias

Ambasadori Michael Davenport, Shef i Misionit të OSBE-së në Kosovë, në hapje të ngjarjes që shënon Ditën Botërore të Lirisë së Shtypit, organizuar bashkërisht me Asociacionin e Gazetarëve të Kosovës, Prishtinë, 3 maj 2021. (AGK) Detajet e fotografisë

Misioni i OSBE-së punon ngushtë me institucionet kyçe të medias, përfshirë Këshillin e Mediave të Shkruara të Kosovës, Komisionin e Pavarur për Media dhe Radio Televizionin e Kosovës, për t'i mbështetur që të bëhen institucione efektive dhe plotësisht funksionale përmes monitorimit, raportimit dhe nismave avokuese. Bashkë me asociacionet e gazetarëve dhe institucionet e sektorit të sigurisë, monitoron dhe koordinon sigurinë e gazetarëve dhe kërkon të krijojë kushte më të mira pune për punonjësit e medias. Misioni shqyrton dhe i jep rekomandime Kuvendit për çdo legjislacion të ri apo të rishikuar lidhur me median.

Misioni vë theks të veçantë në shtrirjen e edukimit medial në nivele formale dhe joformale arsimore dhe bashkëpunon me partnerët kryesorë, duke përfshirë Ministrinë e Arsimit dhe Shkencës, universitetet e Kosovës dhe festivalin e filmit dokumentar DokuFest. Ai mbështet iniciativat për edukimin medial dhe informativ për komunitetet dhe grupe të ndryshme, si dhe avokon për dialog aktiv, të menduarit kritik dhe ndryshime në nivel politikash.

Misioni gjithashtu synon të përmirësojë koordinimin ndërmjet institucioneve publike tnë të gjitha nivelevet dhe medias duke krijuar platforma për komunikim të ndërsjellë dhe duke zhvilluar strategji të angazhimit dhe marrëdhënieve me median. Me anë të Iniciativës për Politikat e Marrëdhënieve me Publikun dhe me Median, Misioni komplementon plotëson programet për e trajnimit të mediave dhe gazetarëve duke përforcuar mediat dhe aspektet e komunikimint publik të institucioneve homologe, duke përfshirë prokurorët, gjyqtarët, organet e rendit, zyrtarët e informimit në nivel komunal dhe qeveritar dhe përfaqësuesit e shoqërisë civile në Kosovë.

Në përpjekje për të integruar multi-etnicitetin, promovimin e barazisë gjinore dhe përmirësimin e marrëdhënieve ndërmjet komuniteteve, Misioni punon me mediat në mbarë Kosovën në mënyrë që të forcojë kapacitetet e tyre dhe respektimin e mekanizmave vetërregullues dhe kodeve etike. Theksi i veçantë i drejtohet mbështetjes së mediave jo-shumicë dhe avancimit të sigurisë së gazetarëve dhe profesionistëve të mediave që punojnë në Kosovë.