Publications

Ky Doracak është një mjet praktik për vlerësimin e ndikimit të rregullativës dhe të politikave në nivelin qendror dhe lokal të qeverisjes dhe i njëjti synon të lehtësojë procesin e përfshirjes së perspektivës gjinore në vendimmarje. Doracaku ofron informacion bazë dhe udhëzime praktike se si të vlerësohet ndikimi i barazisë gjinore në politikat, vendimet dhe rregulloret e miratuara. Metodologjia dhe mjetet praktike të paraqitura në këtë Doracak mund të zbatohen edhe për grupet e tjera vulnerabël të shoqërisë, si: personat me aftësi të kufizuara, grupet minoritare, etj.

"Barometri për mundësi të barabarta" është sondazhi i sponsorizuar nga OSBE dhe BE, i cili u krye në bashkëpunim me Komisionin për Parandalimin dhe Mbrojtjen nga Diskriminimi dhe Qendrën Maqedonase për Bashkëpunim Ndërkombëtar. Ky studim gjithëpërfshirës zbulon gjetjet kryesore që hedhin dritë mbi perceptimet dhe përvojat lidhur me diskriminimin dhe pabarazinë në shoqërinë tonë. Ai u krye në demografi të ndryshme dhe u krahasua me sondazhet e kyrera në vitin 2009, 2013 dhe 2018, dhe i njëjti na jep një pamje të tendencave në zhvillim në këto fusha.

Ky raport përmban vlerësim të statusit aktual ligjor, mjeteve të menaxhimit dhe financimit të Agjencisë Informative Mediatike (MIA), analizë krahasuese të rregullimit të statusit ligjor të agjencive të lajmeve, si dhe rekomandime për përditësimin e statusit ligjor të MIA-s.

Publikimi ka për qëllim të qartësojë konceptin ligjor procedural të kalimit të barrës së provës, kuptimin dhe qëllimin e saj, si dhe të gjitha pyetjet e hapura lidhur me zbatimin praktik të procedurave para Komisionit të Parandalimit dhe të Mbrojtjes nga Diskriminimi dhe gjykatës vendase, për të siguruar zbatim efikas të Ligjit për Parandalimin dhe Mbrojtjen nga Diskriminimi. Ai gjithashtu fokusohet në ndihmën e praktikuesve ligjorë në marrjen e njohurive dhe aftësive në fushën e ligjit të barazisë dhe parimit të mosdiskriminimit, andaj edhe gjërësisht janë përdorur shembuj nga Gjykata e Drejtësisë e Bashkimit Evropian dhe Gjykata Evropiane e të Drejtave të Njeriut, si dhe praktikat krahasuese nga vendet evropiane.

Publikimi përfshin vlerësimet e brendshme dhe të jashtme të aktiviteteve dhe strukturës së Akademisë për Gjykatës dhe Prokurorë Publikë (AGjPP). Vlerësimi i brendshëm fokusohet në vlerësimin e proceseve të vendimmarrjes, organeve drejtuese dhe strukturës së punonjësve. Këtu përfshihet gjithashtu edhe vlerësimi i nevojave për trajnim të organeve drejtuese dhe punonjësve të AGjPP, për të rritur njohuritë e tyre për diversitetin dhe barazinë gjinore. Analiza e aktiviteteve të jashtme vlerëson nëse diversiteti dhe barazia gjinore janë përfshirë në trajnimet e përgjithshme të zhvilluara në AGjPP, përfshirë aktet nënligjore për arsimin dhe trajnimin fillestar dhe të vazhdueshëm, si dhe kurrikulat vjetore.

Ekzekutimi i vendimeve të Gjykatës Evropiane për të Drejtat e Njeriut është proces i rëndësishëm dhe kompleks që përfshin aktorë të shumtë të përfshirë në vetë ekzekutimin ose në mbikëqyrjen e ekzekutimit, gjë që mund të ndërlikojë dhe ngadalësojë zbatimin e çdo mase dhe aktiviteti që duhet të shpie në ekzekutimin efektiv të vendimeve. Kurrikula e trajnimit është zhvilluar në bashkëpunim me Akademinë për Gjykatës dhe Prokurorë Publikë (AGjPP). Ai ishte projektuar posaçërisht për gjykatësit dhe prokurorët publikë aktualë dhe të ardhshëm, të cilët ndjekin trajnim në AGjPP.

Ky publikim u zhvillua në bashkëpunim me Akademinë për gjykatës dhe prokurorë publikë. Ai analizon masat individuale të ekzekutimit të vendimeve të Gjykatës Evropiane për të Drejtat e Njeriut (GJEDNJ). Publikimi fokusohet në rishqyrtimin e çështjeve, ose rihapjen e procedurave pas vendimit të GJEDNJ, sipas të cilit konstatohet shkelje e Konventës Evropiane të të Drejtave të Njeriut, si një nga mjetet për të arritur të ashtuquajturën restitutio in integrum.

Publikimi u zhvillua në bashkëpunim me Akademinë për gjykatës dhe prokurorë publikë. Ai analizon masat e përgjithshme të përmbarimit dhe vlerëson situatën aktuale lidhur me ekzekutimin e vendimeve të Gjykatës Evropiane për të Drejtat e Njeriut (GJEDNJ) në rastet kundër Maqedonisë së Veriut. Ai gjithashtu identifikon ndryshimet, të cilat janë bërë ose akoma pritet të bëhen si pjesë e procesit të ekzekutimit të këtyre vendimeve, duke zbuluar sfidat kryesore në praktikë.

Publikimi u zhvillua në bashkëpunim me Akademinë për gjykatës dhe prokurorë publikë. I njejti ofron një pasqyrë të përgjithshme të procesit të ekzekutimit të vendimeve të Gjykatës Evropiane të të Drejtave të Njeriut (GJEDNJ): shpjegon rolin e Komitetit të Ministrave në Këshillin e Evropës; shtjellon të ashtuquajturat masa të përgjithshme dhe individuale të ekzekutimit dhe rishikon kornizën ligjore vendase lidhur me ekzekutimin e vendimeve të GJEDNJ.