Thirrje për aplikim - Programi “EmPOWER” për gratë politikane në nivel lokal 2024
Misioni i OSBE-së në Kosovë ju fton të aplikoni për edicionin e tretë të Programit “EmPOWER” për gratë politikane në nivel lokal. Në qoftë se jeni drejtuese e zgjedhur me votë në nivel lokal dhe/ose aktiviste e angazhuar në politikat dhe proceset vendimmarrëse në nivelin lokal që lidhen me barazinë gjinore dhe fuqizimin e grave, nëse dëshironi të avanconi karrierën tuaj dhe ç' është më e rëndësishmja, të jeni faktor i ndryshimit, atëherë – ky është programi i duhur për ju. EmPOWER është një program shtatëmujor – nga muaji maj deri në nëntor – që përbëhet nga punëtori dhe seanca obligative trajnimi. Tridhjetë kandidate që i plotësojnë kriteret e kualifikimit do të përzgjidhen për të marrë pjesë. Ju lutemi që aplikacionin tuaj ta dorëzoni deri më 15 mars 2024 (në ora 23:59).
Pikëpamjet, opinionet, përfundimet dhe informacionet e tjera të shprehura në këtë dokument as nuk janë dhënë dhe as nuk mbështeten detyrimisht nga Organizata për Siguri dhe Bashkëpunim në Evropë (OSBE), me përjashtim të rastit kur OSBE-ja është e përcaktuar qartë si Autorja e këtij dokumenti.