ԵԱՀԿ-ն, ԵՄ-ն վերապատրաստում են 14000 Տեղամասային ընտրական հանձնաժողովի անդամների Հայաստանի խորհրդարանական ընտրություններին ընդառաջ

ԵՐԵՎԱՆ, 2 մայիսի 2012թ. – Տեղամասային ընտրական հանձնաժողովի (ՏԸՀ) անդամների համար ԵԱՀԿ և ԵՄ աջակցությամբ իրականացվող ուսուցողական ծրագիրը` ընտրական վարչարարության ընթացակարգային և էթիկական ասպեկտների վերաբերյալ, կավարտվի վաղը:

Դասընթացը սկսվել է ապրիլի 15-ին և անց է կացվել երկրի ողջ տարածքում մոտ 14,000 ընտրական պաշտոնյաների համար: Այն կազմակերպել է Հայաստանի Կենտրոնական ընտրական հանձնաժողովի և Ընտրական համակարգեր միջազգային հաստատության (IFES) կողմից` ԵԱՀԿ երևանյան գրասենյակի աջակցությամբ և Եվրոպական Միության ֆինանսական օժանդակությամբ: Ամերիկայի Միացյալ Նահանգների Միջազգային զարգացման գործակալությունը (ԱՄՆ ՄԶԳ) ֆինանսավորել է ներկայումս դասընթացներ վարող քառասուներեք դասավանդողների նախապատրաստումը:

<<Տեղամասային ընտրական հանձնաժողովի անդամների կատարելագործված հմտությունները արդյունավետ և թափանցիկ ընտրությունների երաշխավորման կարևորագույն նախապայմաններից է>>, - ասաց ԵԱՀԿ երևանյան գրասենյակի ղեկավար դեսպան Անդրեյ Սորոկինը. <<Կարծում ենք, այս և նմանատիպ այլ ջանքերը կնպաստեն Հայաստանի ընտրական գործընթացների հետագա համապատասխանությանը ԵԱՀԿ հանձնառություններին>>:

Քվեարկության ընթացակարգերը, նոր ընտրական օրենսգրքի դրույթները, (տեսողական խնդիրներ ունեցողների համար նախատեսված) ստվարաթղթե կաղապարների օգտագործման իմացությունն ու շրջիկ քվեարկության կազմակերպումն ընդգրկված էին ընտրություններին աջակցություն տրամադրելու դասընթացների թեմաների շարքում:

<<Տեղամասային ընտրական հանձնաժողովի անդամների հմտությունները և ընտրական կառավաման սկզբունքների հանձնառությունը պետք է լինի ամենաբարձր որակի>>, - նշեց Եվրոպական Միության հայաստանյան պատվիրակության ղեկավար դեսպան Տրայան Հրիստեան. <<Մաղթում ենք հաջողություն դասընթացի բոլոր 14.000 մասնակիցներին այդ հմտությունները կիրառելիս` նպաստելու ազատ և թափանցիկ ընտրական գործընթացին Հայաստանում:>>

Տեղամասային ընտրական հանձնաժողովի ուսուցման համար նախապես քառասուներեք դասավանդող է ընտրվել և վերապատրաստվել, ինչպես նաև մի շարք ուսումնական նյութեր էին մշակվել: Նյութերը ներառում են նաև ձեռնարկ, որին հղում է կատարվելու քվեարկության օրը և գրանցամատյան` օժանդակելու ՏԸՀ հանձնաժողովի անդամներին արձանագրելու ընտրությունների օրը տեղի ունեցող գործոողությունները ընտրատեղամասերում: Դասընթացի մասնակիցներին տրվեցին նաև նոր ընտրական օրենսգիրքը և ԿԸՀ վերջին որոշումները:

Դասընթացը  մաս է կազմում 1.7 մլն եվրո արժողությամբ ծրագրի` կատարելագործելու ընտրական գործընթացները Հայաստանում` միջազգային ստանդարտներին համապատասխան, որն իրականացվում է ԵԱՀԿ երևանյան գրասենյակի կողմից և ֆինանսավորվում ԵՄ կողմից: