Што работиме

Мисијата помага да се зајакне соработката меѓу националните институции, властите и граѓанското општество, помага во градењето на капацитетите на сите оние кои работат на заштита на жртвите, од аспект на самите жртви и човековите права. Таа исто така работи во насока на зајакнување на регионалната соработка и зајакнување на локалните (grass-root) организации во борбата против трговијата со деца во регионот.

Мисијата ја следи безбедносната состојба во државата и одржува редовни посети и средби со општинските и верските лидери, со претставниците на заедниците, претставниците на невладините организации, политичките институции и одговорните за спроведување на законот. На тој начин има важна улога при навремено предупредување. Во исто време помага во градењето доверба помеѓу заедниците и посредува во тензични ситуации.

Мисијата ѝ помага на земјата во реформирањето на изборниот систем. Таа им помага на службениците и на останатите лица кои работат на изборната проблематика да ги применат меѓународните стандарди и добри практики, како и на изборните институции да ги отстранат потенцијалните недостатоци и нејасности во изборното законодавство, процедурите и избирачкиот список.

Со цел да се зајакне демократското владеење и да се поттикнат поблиски и поконструктивни меѓуетнички односи, Мисијата работи со институциите на локалната и централната власт на иницијативи кои ги поддржуваат принципите на демократското владеење и вредностите кои произлегуваат од Охридскиот рамковен договор. Исто така, им помага на клучните владини тела и државните функционери, поефикасно да одговорат на предизвиците како што се спроведување на принципите на правична застапеност, транспарентност и отчетност во јавната администрација, употребата на јазиците или пренесување на надлежностите и ресурсите на локално ниво.

In response to the flood of migrants that have recently passed through the country, the Mission uses a victim-centred and human rights-based approach, and works with authorities to enhance the capacity of regular and border police to deal with refugees and migrants.

Мисијата помага на земјата-домаќин во создавање полиција која ќе биде ориентирана кон заедницата, во согласност со демократските принципи и меѓународните стандарди за човекови права . Ова вклучува продолжување на полициските реформи и помош со професионализацијата на полицијата. Се организираат обуки прилагодени за полициските службеници на теми како што се борбата против организираниот криминал и тероризмот, превентивни активности и справување со меѓуетничките проблеми. Мисијата, исто така, го поддржува центарот за обука на полицијата и помага во зајакнување на односот меѓу полицијата и медиумите.

Клучните приоритети во оваа област се зајакнување на независноста на судството и помош во процесот на правните реформи. Поттикнување на учеството на сите етнички заедници во јавниот живот е важна алатка за обезбедување еднаков пристап на сите граѓани до правдата, што од друга страна помага за зајакнување на демократскиот напредок на земјата. Мисијата организира курсеви за обука на обучувачи и подготвува едукативни материјали, го следи законодавниот процес и нуди технички коментари на судството, обезбедува експертиза за законодавците како поддршка на процесот на подготовка на законите и исто така овозможува пристап до материјали од областа на правото. Ги следи судењата на поголемите случаи кои би можеле да имаат влијание врз безбедносната ситуација или врз меѓуетничките односи во земјата и помага да се воспостави евалуација на работата на јавните обвинители која ќе биде објективна и заснована на систем на заслуги.